Hy het jou bekend gemaak, o mens, wat goed is; en wat vra die HERE van jou anders as om reg te doen en liefde te betrag en ootmoedig te wandel met jou God? Miga 6:8
Beste Vriend
Ons was bevoorreg met die ontmoeting van baie mense oor die jare van bediening. Elkeen het 'n unieke storie gehad en sommige mense het uiterste trauma beleef. Ons het net 'n klein kiekie gesien van 'n oomblik in hul lewens. Ons harte begeer om mense te help om trauma agter hulle te sit en te groei in 'n dinamiese verhouding met God en ander. Die oomblik wat ons kliënte by ons kantoor uitstap of die video-oproep beëindig, is nie die einde van ons verbintenis nie. Ons hou aan bid vir jou. Ons bied ook hierdie daaglikse inspirerende boodskap aan om jou aan te moedig en op te bou. Kolossense 1:9 - Daarom, van die dag af dat ons van julle gehoor het, hou ons ook nie op om vir julle te bid nie. Ons vra God dat Hy deur al die wysheid en insig wat die Gees gee, julle sy wil duidelik sal laat ken. My gebed. Hemelse Vader, U is so goed vir ons. Dankie dat U ons vertrou en ons gestuur het om mekaar te help. Dankie dat U altyd ons gebede verhoor. Amen. Hou aan groei in 'n dinamiese verhouding met God en ander.
Ds Wynand en Dr Barbara Louw
Inter Trauma Nexus
info@itn.org.za
0837001441
Posbus 165, Garsfontein, 0042
