Hy het jou bekend gemaak, o mens, wat goed is; en wat vra die HERE van jou anders as om reg te doen en liefde te betrag en ootmoedig te wandel met jou God? Miga 6:8
Beste Vriend
Wanneer die storms in ons lewens woed is ons gou om God te vra om die storm stil te maak. Ons wil normaliteit en vrede in ons lewens hê. Glo jy hierdie verslag van hoe Jesus die wind en die woedende golwe bedaar het? Indien wel, dink daaroor na. Alles in jou lewe verander wanneer God in jou storms instap. Jy sal verander. Hoe jy na die lewe kyk, sal verander, en jy sal 'n paar ongesonde dinge moet agterlaat. God kalmeer storms en woeste golwe wanneer ons bid. Is jy bereid om die prys te betaal vir die verandering wat jy wil hê? Lukas 4:28 - Toe staan Hy op en bestraf die wind en die golwe. My gebed. Hemelse Vader, dankie dat U die winde en woeste golwe kalmeer wanneer my lewe stormagtig en dreigend raak. U weet wat goed en reg is in my lewe. Wys my asseblief deur die Heilige Gees wat in my moet verander. Ek wil U met my hele hart loof en dien. Herinner my aan al die wysheid wat U my geleer het sodat ek my omstandighede kan hanteer. Amen. Laat God jou storms kalmeer.
Ds Wynand en Dr Barbara Louw
Inter Trauma Nexus
info@itn.org.za
0837001441
Posbus 165, Garsfontein, 0042
