Hy het jou bekend gemaak, o mens, wat goed is; en wat vra die HERE van jou anders as om reg te doen en liefde te betrag en ootmoedig te wandel met jou God? Miga 6:8
Beste Vriend
Mag jy vandag die krag vind om môre tegemoet te gaan in die liefde en gebede van die vriende om jou. Daar is baie definisies van vriendskap. Die beste vriende wat jy in jou lewe kan hê, is diegene wat jou help om in jou verhouding met God te groei. Hulle is die mense wat daar is vir jou met eerlikheid, lojaliteit en die kosbaarste vriende bid vir mekaar en lag saam. Spreuke 3:1-2 DB - Jong vriend, luister na my raad. Dink mooi oor die alledaagse lewe na. Dink wat jy op die regte oomblik moet sê en wat jy moet doen, wie en wat jy eerder moet vermy. ’n Wyse manier van leef het groot waarde. Baie gelukkige dae, baie opwindende lewensjare, groot blydskap kom daaruit voort. My gebed. Hemelse Vader, ek bid vir my familie en vriende. In tye soos hierdie is ek bewus van die uitdagings wat hulle in die gesig staar. Al sê hulle dit nie, weet ek hulle sukkel met die laste wat hulle dra. Here, U is ons Verlosser en ons Hoop, mag U die stem van my hart hoor. In Jesus se Naam, Amen. Wees die kosbaarste vriend wat bid vir mekaar en saam lag.
Ds Wynand en Dr Barbara Louw
Inter Trauma Nexus
info@itn.org.za
0837001441
Posbus 165, Garsfontein, 0042
