Hy het jou bekend gemaak, o mens, wat goed is; en wat vra die HERE van jou anders as om reg te doen en liefde te betrag en ootmoedig te wandel met jou God? Miga 6:8
Beste Vriend
Die eerste ding wat ek wil hê jy moet doen, is om te bid. Bid op elke manier wat jy weet hoe, vir almal wat jy ken. Bid veral vir heersers en hul regerings om goed te regeer sodat ons stil kan wees oor ons besigheid om eenvoudig te lewe, in nederige nadenke. Dit is die manier waarop ons Verlosser God wil hê ons moet lewe. Hy wil hê dat nie net ons nie, maar almal gered word, jy weet, almal moet die waarheid leer ken wat ons geleer het: dat daar een God en net een is, en een Priester-Bemiddelaar tussen God en ons—Jesus, wat Homself aangebied het in ruil vir almal wat deur die sonde gevange gehou word, om hulle almal vry te maak. Uiteindelik gaan die nuus uitkom. Dit en net hierdie was my bestemde werk: om hierdie nuus te kry aan diegene wat nog nooit van God gehoor het nie, en verduidelik hoe dit werk deur eenvoudige geloof en duidelike waarheid. Aangesien gebed die basis van dit alles is, is wat ek meestal wil hê dat mans moet bid—nie kwaai vuiste vir vyande skud nie, maar heilige hande na God opsteek”. (Hierdie dinamiese boodskap is ‘n vryvertaling van 1 Timothy 2:1-8 uit The Message Translation) 1 Timoteus 2:1-2: “Ek dring daarop aan dat daar in die eerste plek met smeking, voorbidding en danksegging gebid moet word vir alle mense, vir dié wat regeer en vir almal wat gesag uitoefen, sodat ons 'n rustige en stil lewe kan lei in volkome toewyding aan God en in alle eerbaarheid.” My gebed. Vader, ek dank en loof U, Almagtige God, vir die nuwe dag en nuwe lewe. Dankie vir U genade en barmhartigheid. U grootheid is buite my verstand om te begryp maar U genade bereik my en leer my elke dag op 'n nuwe manier. Gebruik U Gees, o God, om 'n honger in die siele van die mense in ons land aan te steek sodat hulle wysheid en leiding slegs in U en U teenwoordigheid kan vind. In die naam van Jesus Christus en deur die voorspraak van die Heilige Gees, bid ek. Amen. Hou aan om te bid op elke manier wat jy weet hoe, vir almal wat jy ken.
Ds Wynand en Dr Barbara Louw
Inter Trauma Nexus
info@itn.org.za
0837001441
Posbus 165, Garsfontein, 0042
