Hy het jou bekend gemaak, o mens, wat goed is; en wat vra die HERE van jou anders as om reg te doen en liefde te betrag en ootmoedig te wandel met jou God? Miga 6:8
Beste Vriend
Net voor ons in die bediening gegaan het, het 'n wyse, blinde prediker vir ons gesê ons moet lief wees vir die plek en die mense na wie God ons stuur. Ons het gekies om nie ontstel te word deur die gebrokenheid van mense nie, want alle dinge kan breek. Ons reik uit na gebroke mense wat in duisternis wag vir die lig in ons. Christus is ons Lig. Hy genees en herstel ons krag en waardigheid. Ons kan liefhê en leef sonder vrees vir die toekoms want Hy is reeds daar! Spreuke 31:25 - Alles aan haar spreek van 'n sterk en edel persoonlikheid; sy ken geen kommer oor die toekoms nie. My gebed. Hemelse Vader, my hart is gevul met soveel dankbaarheid vir wat U gedoen het dat ek U net kan loof. Ek sing van blydskap as ek na al die getuienisse kyk van mense wat U blydskap geneem het en sterker as ooit tevore opgestaan het. U is my Lig en niemand kan U lig in my hart verdof nie. Dankie vir elke geleentheid om uit te reik na gebroke mense wat in duisternis wag op U lig in ons. Vader, ek gee U al die eer. Amen. Jesus Christus is ons Lig. 
Ds Wynand en Dr Barbara Louw
Inter Trauma Nexus
info@itn.org.za
0837001441
Posbus 165, Garsfontein, 0042
