Hy het jou bekend gemaak, o mens, wat goed is; en wat vra die HERE van jou anders as om reg te doen en liefde te betrag en ootmoedig te wandel met jou God? Miga 6:8
Beste Vriend
Die waarde van vrede in ons harte kan nie gemeet word nie. Wanneer ons in vrede is, kan ons vry wees van bekommernis en vrees, met die wete dat ons met die Here se hulp alles kan doen wat van ons verwag of vereis word. Sonder gemoedsrus kan jy simptome van angs en stres opmerk, insluitend slaapstoornisse. Pyne en skete. God se vrede help jou om kalm te bly in die aangesig van nood deur gevoelens van angs, bekommernis en oorweldiging te verlig. Kolossense 3:15 - En die vrede wat Christus gee, moet in julle lewens die deurslag gee. God het julle immers geroep om as lede van een liggaam in vrede met mekaar te lewe. Wees altyd dankbaar. My gebed. Vader, ek het die heeltyd U vrede nodig. Dankie dat Jesus gesê het Hy gee ons Sy vrede en ek weet Sy vrede oortref alle verstand. Here Jesus, dankie vir die prys wat U betaal het om ons vrede en die ewige lewe te gee. U is my Verlosser. Leer my om U vrede en hoop te deel waar ek ook al gaan. My hart loop oor van dankbaarheid vir u liefde en genade. Amen. Die vrede wat Christus gee, moet in jou lewe die deurslag gee.
Ds Wynand en Dr Barbara Louw
Inter Trauma Nexus
info@itn.org.za
0837001441
Posbus 165, Garsfontein, 0042
