Hy het jou bekend gemaak, o mens, wat goed is; en wat vra die HERE van jou anders as om reg te doen en liefde te betrag en ootmoedig te wandel met jou God? Miga 6:8
Beste Vriend
Voordat die verlore seun tot bekering gekom het, moes hy 'n baie belangrike besluit neem. Hy moes besluit om op te staan en na sy Vader te gaan. Sy pa kon dit nie namens hom doen nie. As jy in 'n moeilike plek is, moet jy die eerste tree gee om op te staan en te gaan. God is altyd goed! God is bo jou om jou te seën, Hy is voor jou om jou te lei, Hy is agter jou om jou te beskerm, Hy is langs jou om jou te troos en binne jou om jou te onderhou. Jy moet besluit om jou ‘ek kan nie’ sowel as ‘ek wil nie’ in die gewaagde stelling te verander: Ek sal opstaan en na my Vader toe gaan. Lukas 15:18 Lukas 15:18 - "Ek sal opstaan en na my vader gaan, en ek sal vir hom sê: Vader, ek het gesondig teen die hemel en voor u" My gebed. Vader, ek staan op en draai na U met elke bietjie bekommernis wat in my hart is. Ek rol my besorgdhede en bekommernisse na U oor en verander my bekommernis in aanbidding. Vergewe my asseblief vir die kere wat ek my oë van U afhaal. Vader ek gee elke deel van my wese aan U oor. U is my HERE. Jy is heeltyd goed. Amen. God is altyd goed!
Ds Wynand en Dr Barbara Louw
Inter Trauma Nexus
info@itn.org.za
0837001441
Posbus 165, Garsfontein, 0042
