Hy het jou bekend gemaak, o mens, wat goed is; en wat vra die HERE van jou anders as om reg te doen en liefde te betrag en ootmoedig te wandel met jou God? Miga 6:8
Beste Vriend
Jy is wonderlik uniek. Jou welstand en Godgegewe roeping ontwikkel mettertyd. Dit is nie 'n proses wat iemand kan versnel of afdwing nie. Te veel mense word in posisies en situasies ingedruk wat hulle ontmagtig, magteloos en God-verlate laat voel. Neem tyd om die lewe saam met jou geliefdes te geniet en groei in jou verhouding met God. Sy seëninge voeg geen hartseer daarby nie. Spreuke 10:22 - Dit is die Here se seën wat rykdom bring. Hy gee nie hartseer daarmee saam nie. My gebed. Here, U het my oorvloedig geseën. Dankie dat U my presies plaas waar ek die drome en roeping wat U in my hart geplaas het kan uitleef. Dankie vir die wonderlike mense wat U in my lewe geplaas het. Dankie dat U Woord kragtig en relevant is in elke deel van die lewe. Dankie vir die vryheid om te kies en dat U my die wysheid gegee het om wyse keuses te maak. U is heeltyd goed vir my. Amen. Jy is uniek. 
Ds Wynand en Dr Barbara Louw
Inter Trauma Nexus
info@itn.org.za
0837001441
Posbus 165, Garsfontein, 0042
