 |
Tienergeweld Vir die doel van die artikel is
die definisie van geweld ‘n doelbewustehandeling om iemand
anders seer te maak. Geweld is ‘n groot probleem onder tieners en
adolessente. In Suid-Afrika is daar
toenemende verslae van geweld wat deur jong mense veroorsaak word. Daar
is egter nie ‘n enkele verklaring vir die toename in tienergeweld nie.
Verskeie faktore dra by tot gewelddadige gedrag, onder meer:
Wat veroorsaak dat ‘n
persoon iemand anders skop, slaan, steek of ‘n vuurwapen rig en afvuur?
Wat veroorsaak dat ‘n jongmens hom- of haarself geweld aandoen? Daar is geen eenvoudige
antwoord op die vrae nie. Dit kan ‘n vorm van uitdrukking van emosies
soos woede of frustrasie wees. Die jongmens voel daar is geen oplossing
vir hul probleme nie en gebruik dan geweld om uitdrukking te gee aan
alles wat buitebeheer voel. Geweld kan ook ‘n vorm van manipulasie
wees, om ander te beheer of iets te kry wat hy of sy wil hê. Geweld
word ook gebruik as ‘n vorm van wraak of weerwraak. Aangesien daar nie ‘n
enkele oorsaak vir geweld is nie, is daar ook nie ‘n eenvoudige
oplossing om die gedrag af te leer nie. Die belangrikste bydra wat jy
vandag kan lewer is om die gevaartekens van geweld raak te sien en hulp
te soek vir jouself of die vriend/in met die probleem. Hoe om die gevaartekens raak te sien Mense tree soms gewelddadig
op wanneer hulle sukkel om hul eie emosies te beheer. So ‘n persoon
kan ander seermaak. Ander dat hulle hul probleme kan oplos en respek
afdwing deur geweld. Dit is nie waar nie. Gewelddadige mense verloor
respek. Hulle word geïsoleer en mense hou nie van hulle nie en dan voel
hulle steeds kwaad en gefrustreerd. Daar is ‘n ernstige risiko vir geweld as die volgende
gevaartekens teenwoordig is:
Ander rooi ligte wat gewoonlik
oor ‘n verlengde periode waarsku is:
As jy iemand ken wat
hierdie gevaartekens toon, moet jy eerstens na jou eie veiligheid omsien.
Vertel iemand wat jy vertrou en respekteer van jou besorgdheid en
vermoedens. Dit kan ‘n familielid, ‘n berader, onderwyser/es,
sielkundige, predikant of vriend wees. Om kwaad te word is ‘n menslike deel van die lewe, maar jy het nie nodig om deel te wees van ‘n gewelddadige kringloop nie. ‘n Professionele persoon sal die gewelddadige persoon help om die volgende te doen:
Die sleutel tot die
hantering en beëindiging van geweldadige gedrag is om hulp te kry. Dit
sal nie vanself weggaan nie en jy kan dit nie alleen te hanteer nie. Jy
hoef nie gebuk te gaan onder skuldgevoelens, hartseer en frustrasie wat
van alle kante kom nie. Ek wil jou aanmoedig om aan te hou hulp soek,
totdat iemand luister.
|
Wynand & Barbara Louw, Founders of ITN.
|
