 |
Opponente of Vennote Konflikhantering: Opponente of vennote
Ds B Louw Konflik is deel van ons daaglikse
lewe. Sommige mense glo dat konflik net sleg en nadelig is. Soms is ‘n
mens so vasgevang in jou eie groewe dat jy vergeet om na probleme te kyk
deur ander se oë. Wanneer ‘n mens konflik
gewaar of beleef kan jy kies hoe jy dit wil benader. Soms vergeet jy dat
jy ‘n keuse het en reageer dan met ‘n aggressiewe kap. Dalk glo jy
jou reaksie is relatief neutraal, maar baie “neutrale” reaksies is
eintlik al gewoontes wat jy deur die jare versamel het. Daar is verskillende
konflikhantering gewoontes, soos onttrekking; onderdrukking; wen/verloor;
kompromie of ‘n poging waar almal wen. Onttrekking ‘n Mens kan fisies uit konflik
onttrek, deur byvoorbeeld die vertrek te verlaat of die telefoon neer te
sit. Jy kan ook emosioneel onttrek deur eenvoudig stil te bly, arms te
vou en ander pad te kyk. Ander onttrekkingsreaksies:
Mense onttrek gewoonlik
omdat hulle bang is vir konfrontasie of omdat hulle voel hulle word nie
gehoor nie. Daar is ook situasies waar mense ontrrek omdat daar nie aan
hul mening toegegee word nie. Onttrekking is in baie gevalle ‘n vorm
van manipulasie of ‘n manier om die “opponent” te straf, in plaas
daarvan om konstruktief by te dra tot probleemoplossing. Die manipulasie
en straf kan ‘n manier wees om iemand, doelbewus of onbewustelik, van
mening te laat verander. Dit is egter wys om te
onttrek uit ‘n plofbare situasie as dit niks met jou te doen het en
jou “bydra” geen verskil aan die uitkoms gaan maak nie. Onderdrukking “Alles ter wille van vrede”
of om stil te bly “ter wille van vrede” is baie gevaarlik, want dit
kan beteken dat jy stilswyende goedkeuring gee aan goddelose dinge. Vir sommige mense is dit
makliker om te weier om te erken dat daar konflik is, maar dit plaas
ongekende druk op ‘n verhouding. Al bly jy met jou mond stil oor die
ongedurigheid in jou binneste word dit ‘n sweer wat jou van binne
opknaag. Daardie sweer kan groei en groei totdat dit ‘n emosionele
kanker word wat jou en jou vennote vernietig. Onttrekking kul die mense
om jou, want al kan hulle sien en voel iets pla het hulle nie die
geleentheid om ‘n verskil te maak nie. Vorme van onderdrukking is:
Wen/verloor Die wen/verloor gewoonte is soms
deel van ‘n onbewuste
drang om jouself te beskerm teen die pynlike gevoel as jy moet erken jy
is verkeerd. Dit is eenvoudig ‘n magstryd waar net een mens reg kan
wees en waar daar net een wenner mag triomfeer. (Ek verwys nie na ‘n
gesagsverhouding waar ‘n bestuurder, ouer of onderwyser beheer van
‘n gegewe situasie moet vat nie.) Wen/verloor is, op die
lange duur, nie ‘n goeie konflikhanteringsmetode in verhoudings nie.
Vandag se verloorder mag jou dalk net more in die steek laat. Is jou
konflikhanteringstaktiek een van die volgende:
‘n Kompromie Dit is ‘n benadering wat met
‘n mate van sukses in onderhandelinge in die sakewêreld aangewend
word. In verhoudings beteken dit
egter dat elkeen iets op offer en aan die einde is albei partye ewe
ontevrede, want gewoonlik moet een mens meer op offer as die ander. Die
algemeenste vorm van kompromie aangaan is om toe te gee “ter wille van
die vriendskap” of spesifieke soort verhouding. Die vier vorme van
konflikhantering is die algemeenste hanteringstyle, maar dit is nie die
enigstes nie. Daar is egter ‘n benadering waar almal kan wen. “n Wen/wen-strategie is
om jou opponent te sien as ‘n vennoot. Dit is om die gesindheid te hê
van “Ek wil wen, maar ek wil hê jy moet ook wen”. Dit is ‘n
“ons” benadering waar twee mense saam werk om by ‘n nuwe, beter
oplossing uit te kom. Die voordeel van die benadering is dat dit
verhoudings laat groei en albei partye wen, omdat albei probeer om ‘n
oplossing te vind. Jy kan by die strategie
uitkom deur die volgende te probeer:
Konflik word dikwels
gekompliseer deur wat in jou gedagtes aangaan. Die advies uit die Woord
van God is: “Wees altyd bly in die Here! Ek herhaal: Wees bly! Wees inskiklik teenoor alle mense. Die Here is naby. Moet oor niks besorg wees nie, Maar maak in alles julle begeertes deur gebed En smeking en met danksegging aan God bekend. En die vrede van God wat alle verstand te bowe gaan, Sal oor julle harte en gedagtes die wag hou in Christus Jesus. Verder, broers, alles wat waar is, Alles wat edel is, Alles wat reg is, Alles wat rein is, Alles wat mooi is, Alles wat prysenswaardig is – Watter deug of lofwaardige saak daar ook mag wees – Daarop moet julle julle gedagtes rig. En wat julle van my geleer en ontvang het, En gehoor en gesien het, dit moet julle doen. En God wat vrede gee, sal by julle wees.” (Fil 4:4-9)
|
Wynand & Barbara Louw, Founders of ITN.
|
