Respek vir my klient

Soms lyk dit vir my asof mense sommer net wegraak in ons pogings om hulp aan hulle te verleen. Ons praat, heel professioneel, van die kliënt, geval of pasiënt.

Ek het onlangs die onaangename ervaring gehad om, na ‘n ongeluk, verwys te word na ‘n radioloog. Ek het soveel pyn gehad en moes vir meer as sewe ure vir ‘n afspraak wag. Dit was alles goed en wel, totdat die ontvangsdame my heen en weer gebied het. Vir haar was ek net “’n indruk-pasient, wat haar dag deurmekaar kom krap het”.

Kan jy nog onthou waarom jy die beroep gekies het waarin jy staan? Waarom het jy gehoor gegee aan jou lewensroeping? Was dit om ‘n verskil te maak aan mense se lewens? Hoe is dit dan moontlik dat mense vir jou ‘n irritasie en frustrasie geword het?

Die grootste redes vir spanning en emosionele uitputting wanneer ons met mense werk is finansiële druk, moeilike mense, isolasie en ‘n onrealistiese werkslading. Daar is ook diegene onder ons wat gebuk gaan onder die druk van die “stigma” geassosieer met hul beroep en ‘n ernstige persoonlike identifikasie met die lyding van die mense waarmee hul paaie daagliks kruis. Met ander woorde, ons verloor onsself en ons visie in die harde realiteit van die sorge van die lewe.

As ek vandag saam met jou kon sit en kuier sou ek graag wou sê: “Wanneer jy weer na jouself begin omsien en jouself meer kan waardeer vir wie jy is, sal jy mense in ‘n ander lig sien.”

Groete

Barbara

"We pray that we will be able to help people to see the grace of God and to reach their full potential through our Ministries."

" We are committed to help people to come in a dynamic relationship with God, because then they will be at peace with themselves and they will be able to work at their relationships with others."
Wynand & Barbara Louw, Founders of ITN.

"My personal goal is to encourage al least one person a day and I know that will make a difference."
Barbara Louw CEO for ITN.

Nexus Nuus*News