 |
Verskuilde Potentiaal |
Wynand & Barbara Louw, Founders of ITN.
|
|
Deur Ds Wynand Louw Elke
skildery, beeldhouwerk en musiekstuk, is die produk van iemand wat hulle
potensiaal vrygelaat het. Hulle potensiaal het die wêreld se erfenis
geword, sodat ons dit kan ervaar en beleef. So het die skrywers van die
Bybel dan ook vir ons ‘n erfenis nagelaat. Dit stel ons in staat om
vandag die Bybel te kan lees en só die Woord van God uit te leef en te
vervul. Elkeen
van ons kom in die wêreld met ‘n taak of roeping om te vervul. Ons is
nie net op aarde per toeval of per ongeluk nie. God gee aan ons die
opdrag om iets van waarde na te laat vir ons nageslag waaruit hulle kan
leer en waardeur hulle geïnspireer kan word. Die vermoë om die
opdragte te vervul lê binne elkeen van ons opgesluit. Die gereedskap is
ons natuurlike gawes en ambisie. ”Wat met mense in die lewe
gebeur, kan baie verskil, maar dieselfde lot wag vir almal—vir die wat
aan God gehoorsaam is en vir die ongehoorsames, vir die wat skoon leef
en vir die wat ’n vuil lewe lei, vir die wat aan God offer en vir die
wat nie offer nie, vir goeie mense en vir slegtes, vir die wat ’n eed
aflê en vir die wat dit nie doen nie. In ons ondervinding op aarde lyk
dit dan onregverdig dat almal dieselfde moet deurmaak, maar tog bly die
mense se geaardheid vol verkeerde dinge en is hulle hulle lewe lank met
onsinnige gedagtes besig, en so gaan hulle die dood in, sonder
uitsondering. Maar solank daar lewe is, is daar hoop, want die
spreekwoord sê: “’n Lewendige hond is beter as ’n dooie leeu.”
Die wat nog leef, besef ten minste dat hulle sal doodgaan, maar die wat
dood is, weet glad niks nie. Vir hulle is daar nie meer ’n beloning
nie, en mense vergeet hulle. Hulle het finaal by die einde gekom.
Vir hulle bestaan liefde en haat en ambisie nie meer nie. Hulle is
absoluut uitgesluit van enige aandeel aan die dinge wat op die wêreld
gebeur. Eet dus die kos wat jy het en geniet dit; drink die wyn
wat jy het en wees opgewek. Aanvaar die lewe, want God het jou reeds
aanvaar. Trek jou mooiste klere aan en versorg jou hare met geurige olie.
Geniet die lewe saam met jou vrou wat jy liefhet solank as wat God jou
toelaat om hier op aarde te lewe—want dit gaan gou verby. Dit is wat
jy kry vir al die harde werk en die moeite wat jy in hierdie lewe het.
Watter werk daar ook al vir jou is om te doen, doen dit so goed as jy
kan, want in die dood is daar nie meer kans vir werk of dink of vir
begrip of insig nie, en dit is waarheen jy ook op pad is.” (Pred.
9:2-10) Volgens
Prediker is ’n lewende hond is beter as ’n dooie leeu!
(Pred. 9:4) ’n Hond is in die Bybelse samelewing as
’n veragtelike dier beskou. Kyk gerus na (1 Kon. 21:19,
24). Die leeu was weer ’n koninklike dier gesien (Spr.
19:12). Met bitter ironie toon die Prediker aan dat “waar
daar lewe is, is daar hoop”. ‘n Manlike prostituut was
letterlik in die oorspronklike Hebreeus ’n hond genoem. Ons sien dan
ook dat die naam Kaleb in Hebreeus ook “hond”
beteken. Ons kan egter in ons samelewing
en ons era baie mooi dinge van ’n hond sê. Dink maar aan die
eienskappe wat jou eie hond openbaar.
‘n Hond:
Net so
was dit waar van Kaleb, die seun van Jefunne, ten spyte van die feit dat
sy naam hond beteken het. Oor Kaleb word daar ook die mooiste verhaal
vertel. Hy was werklik iemand wat die goeie eienskappe van die hond
openbaar het. Kaleb was die een spioen wat saam met Joshua die beloofde
land gaan verken het, en ‘n baie positiewe verslag gegee het oor die
land. God kan
maklik die rolle van mense in die lewe omkeer. Wie vandag bo is, is môre
onder, en andersom. Hy sê immers in sy Woord dat die wat eerste is sal
laaste wees en die wat laaste is sal eerste wees. So het
Kaleb, wat saam met Josua verstote was deur die vorige geslag Israeliete,
vanweë hulle vertroue op God (Num. 13), die nuwe
eienaar van Hebron geword. God beloon Kaleb so vir sy troue
geloof, al het baie jare verloop sedert hulle terug gekom het vanaf die
verkenningstog in die beloofde land. Hebron het sy vorige naam, Kirjat-Arba,
te danke aan ’n reusagtige Enakiet, Arba, wat ’n groot man
onder die Enakiete was. Dit het weereens bevestig dat God die lot
van Kaleb verander het. So het ’n “hond” die plek
geneem van ’n sterk reus. Soms werk kwaaddoeners met ’n tydtafel wat
verklaar: die tyd behoort aan ons. Maar die spreekwoord lui: elke hond
kry sy dag. (Eseg. 30).
Hier het Kaleb (‘Hond”) ook sy dag in die Here gekry. God sal nooit
ongeregtigheid laat seëvier nie al lyk en voel dit so vir ons. Sir
Winston Churchill het eendag gesê
"The price of greatness is responsibility". So het ons
ook die verantwoordelikheid om ons verskuilde potensiaal wat God aan ons
gegee het te ontgin en grootsheid te bereik. Elkeen van ons kom in die wêreld
in met ‘n onbeperkte hoeveelheid potensiaal in ons opgesluit. Ons kan
baie meer vermag as wat ons ooit tot dusver gedoen het. In (Gen. 1:12)
lees ons “Daar het allerhande soorte plante op
die aarde te voorskyn gekom—elkeen met sy eie soort saad en sy eie
soort vrugte.” (Lewende Bybel) Indien
ons nie besig is om vrug op te lewer nie is ons besig om dood te gaan.
Dood in sy eenvoudigste vorm, is die beëindiging van potensiaal. Die beëindiging
of verwerping van ons potensiaal is die dood van ons en ander se toekoms.
Dit affekteer generasie na generasie. Vir Petrus (2 Pet. 2:18b-22) is
dit baie erg dat sommige gelowiges, onder wie ook jongmense uit gelowige
gesinne (2 Pet.. 3:4) die dom pad van die sogenaamde wêreldse
vryheid wil volg. Laat jou waarsku deur die afskuwelike beeld van die
hond en die vark waarna Petrus verwys (2 Pet.2:22). Om te
keer dat jou lewe só uitdraai, moet jy na Jesus terugkeer en elke dag
sy wederkoms verwag. Met God se genade en krag moet jy jou lewe inrig
volgens Bybelse maatstawwe. Daarin sal jy ’n vervulde lewe en die ware
vryheid ontdek. Vryheid om as God se kind te lewe! Vryheid om God se
kosbare gawes te erf en uit te leef. Jonk of
oud, man of vrou, seun of dogter, arm of ryk, almal het ewe veel
potensiaal. Net soos tyd, hang alles af wat jy daarmee maak. Daar is
byvoorbeeld met die navorsing van kinders bevind dat op 4 jarige
ouderdom 95% van hulle baie vindingryk was, daarteenoor is bevind dat
dieselfde kinders op die ouderdom van 7 weer getoets is en toe is dit
bevind dat slegs 40% van hulle nog die selfde vlak van vindingrykheid
openbaar. Deur die ontmoediging van kinders om vindingryk te wees,
vernietig ons potensiaal wat God in elkeen van daardie kinders geplaas
het. Op
watter vlak van jou potensiaal leef jy tans? Dit hang af van waarmee en
met wie jy jou assosieer. Meer nog, jou potensiaal lê alreeds by die
besluite wat jy neem. Jou
geboorte is bewys dat God geweet het dat die wêreld jou potensiaal
nodig het wat binne jou opgesluit lê.
Indien jy jou verantwoordelikheid om ons potensiaal te ontwikkel
abdikeer, roof jy die wêreld van ‘n skat wat net jy aan die planeet
en sy mense kan gee. Ek wil
u uitdaag om nie net op u louere te sit en te wag vir die lewe om verby
te gaan nie, maar daadwerklik iets te doen. Begin daardie stokperdjie
waaroor jy so lankal dink. Begin die onderwerp (sterrekunde, argeologie,
botanie, ens.) waaroor jy solank al wonder bestudeer. Kry ‘n kwas of
potlood en skep daardie prentjie wat in jou gemoed brand. Dit
maak nie saak hoe oud u is nie, dit is nooit te laat om te begin nie.
Vandag is die dag deur die Heer gemaak. March 2002 |
||
